काठमाडौं । नेपालमा पछिल्लो २४ घण्टामा १ सय ३९ जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । योसँगै हालसम्म कोरोना संक्रमितहरुको कुल सङख्या १८ हजार ७५२ पुगेको छ । आज ६ सय २६ जना कोरोना संक्रमितहरु निको भएर घर फर्केका छन् । हालसम्म १३ हजार ७ य ५४ जना निको भएर घर फर्किसकेका छन् ।
