काठमाडौं । शाइन रेसुङ्गा डेभलपमेण्ट बैंकले कोरोनाबाट प्रभावितहरुका लागि ब्याज छुट गरेको छ । नेपाल राष्ट्र बैंकले तोकेको क्षेत्रका कर्जाहरुमा बैंकले ८ करोड ५ लाख रुपैयाँ ब्याज छुट गरेको जनाएको छ ।
यसका साथै बैंकले सम्पूर्ण कर्जाहरुको ब्याजदर न्यूनतम १ दशमलव १८ प्रतिशतले घटाएको छ । साउन ६ गतेदेखि सबै ग्राहकमा लागू हुने गरी कर्जाको ब्याज दर घटाइएको जानकारी बैंकले दिएको हो ।
यस्तै चैत्र महिनाको ब्याज २०७६ चैत्र मसान्तसम्ममा भुक्तानी गरेका ग्राहकहरुलाई राष्ट्र बैंकले गरेको व्यवस्था अनुरुप १० प्रतिशत दरले ३५ लाख रुपैयाँ छुट गरेको बैंकले जनाएको छ ।
नयाँ आर्थिक वर्षको शुरुवातसंगै बैंकले कोरोनाबाट प्रभावित अर्थतन्त्रलाई चलायमान बनाउन र उद्यमशीलता विकास गर्ने उद्देश्यले साना तथा मझौला उद्योग व्यवसाय कर्जा, कृषि कर्जा तथा ब्यक्तीगत घर कर्जामा वार्षिक ९ दशमलव ५० प्रतिशतमा प्रवाह गर्ने बैंकले जनाएको छ ।
