काठमाडौं । नेपालमा पछिल्लो २४ घण्टामा १ सय जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा। जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । योसँगै हालसम्म कोरोना संक्रमितहरुको कुल सङख्या १८ हजार १४ पुगेको छ । आज कोरोना संक्रमणको कारण दुुईजना संक्रमितहरुको मृत्यु भएको छ। महोत्तरीका ६० बर्षका पुरुष र एक चिनियाँ महिलाको कोरोना संक्रमणका कारण मृत्यु भएको मन्त्रालयले जनाएको छ ।
