काठमाडौं । नयाँ आर्थिक बर्ष २०७७/७८ को पहिलो दिन साउन एक गते शेयर बजारमा हरियाली छाएको छ । बिहिबार नेप्से ३२ दशमलव ४२ अंकले बढेर १३९४ दशमलव ७७ को विन्दुमा कायम भएको छ ।
आज १ सय ८० कम्पनीको २९ लाख १४ हजार ५ सय १८ कित्ता शेयरकिनबेच हुँदा १ अर्ब ४ करोड १७ लाख रुपैयाँको कारोबार भएको छ ।सबै क्षेत्रको उपसूचकमा हरियाली छाएको छ । सबैभन्दा धेरै नेपाल पुनर्बीमा कम्पनीकोे ९ करोड ४१ लाख रुपैयाँ बराबरको कारोबार भएको छ ।त्यस्तै एनएमबि बैंकको ८ करोड २७ लाख रुपैयाँ बराबरको कारोबार भएको छ ।
एनआईसी एशिया लघुवित्तका शेयरधनीले ९ दशमलव ९६ प्रतिशतका दरले कमाएका छन् भने ,मितेरी डेभलपमेन्ट बैंकको शेयरधनीले ९ दशमलव १२ प्रतिशतका दरले कमाएको छ।
ओरियन्टल होटलका शेयरधनीहरुले ६ दशमलव ३८ प्रतिशतका दरले गुमाएको छ भन रादी लघुवित्तका शेयरधनीहरुले ५ दशमलव ०३ प्रतिशतका दरले गुमाएका छन्।
