काठमाडौं । आज शुक्रबार काठमाडौँ,भक्तपुर र ललितपुर गरी उपत्यकाका थप ४२ जनामा कोरोना भाइरसको संक्रमण पुष्टि भएको छ । संक्रमित हुनेमा काठमाडौँका २८ जना, ललितपुरका १३ र भक्तपुरका १ जना रहेको स्वास्थ्य मन्त्रालयले जनाएको छ ।
यससंगै काठमाडौँ उपत्यकामा कोरोना संक्रमितको संख्या ३३७ पुगेको छ । उपत्यकाका विभिन्न अस्पतालहरुमा स्वाब परीक्षण गर्दा उनीहरुमा कोरोना पोजेटिभ देखिएको स्वास्थ्य मन्त्रालयले जनाएको छ ।
