काठमाडौं । बीमा पुलमार्फत सञ्चालन हुँदै आएको म्यादी जीवन बीमा शुल्क झण्डै दुई अर्ब उठेको छ । चालु आर्थिक वर्ष २०७६।७७ को जेठ मसान्तसम्ममा जीवन बीमा कम्पनीहरुले वैदेशिक रोजगारीमा जानेहरुलाई पुलमार्फत सञ्चालन गरिएको म्यादी बीमा बापत एक अर्ब अर्ब ८४ लाख रुपैयाँ बीमा शुल्क आर्जन भएको छ ।
बीमा समितिको तथ्याङक अनुसार जेठमसान्तसम्ममा चार वटा पुल व्यवस्थापक कम्पनी मध्ये सूर्या लाइफ इन्स्योरेन्सले सबैभन्दा धेरै बीमाशुल्क आर्जन गर्न सफल भएको छ । कम्पनीले यस अवधिसम्ममा ५३ करोड रुपैयाँ बीमा शुल्क आर्जन गर्न सफल भएको छ ।
त्यस्तै, दोस्रोमा नेशनल लाइफ इन्स्योरेन्स कम्पनी रहेको छ । जेठ मसान्तसम्ममा कम्पनीले २४ करोड रुपैयाँ बीमा शुल्क आर्जन गर्न सफल भएको छ । तेस्रो स्थानमा प्राइम लाइफ इन्स्योरेन्स रहेको छ । समितिको तथ्याङक अनसुार कम्पनीले जेठ महिनासम्ममा २४ करोड रुपैयाँ बीमा शुल्क आर्जन गर्न सफल भएको छ । त्यस्तै नेपाल लाइफले १८ करोड रुपैयाँ र युनियन लाईफले यस अवधिसम्मा अन्त्यसम्ममा १५ लाख रुपैयाँ बीमाशुल्क आर्जन गर्न सफल भएको छ ।
रिलायवल लाईफले १४ करोड रुपैयाँ, सिटिजन लाईफले १३ करोड रुपैयाँ, सन नेपाल लाईफले १८ करोड ११ लाख रुपैयाँ, सन नेपाल लाईफले ६ करोड रुपैयाँ, आइएमई लाइफले ५ करोड रुपैयाँ, एशियन लाइफले २ करोड रुपैयाँ, ज्योति लाइफले २ करोड रुपैयाँ, रिलायन्स लाइफले २ करोड रुपैयाँ, महालक्ष्मी लाइफले २ करोड रुपैयाँ, गुराँस लाइफले २ करोड रुपैयाँ र प्रभु लाइफले १ करोड रुपैयाँ वैदेशिक रोजगार बीमा माार्फत बीमाशुल्क आर्जन गर्न सफल भएको छ ।
हाल सञ्चालमा रहेका १९ जीवन बीमा कम्पनीमध्ये चार वटाले वैदेशिक रोजगार सम्बन्धी बीमा पुलमा समावेश भएका छैनन् । जसमा सानिमा लाइफ, एलआईसी नेपाल, अमेरिकन लाइफ र राष्ट्रिय बीमा संस्थान कम्पनी रहेका छन् ।
