काठमाडौं । एनआइसी एशिया लघुवित्तको आइपीओ बाँडफाँड भएको छ । आइपीओ नष्काशन तथा विक्री प्रबन्धक सानिमा क्यापीटटले आज बिहान उक्त आइपीओ बाँडफाँड गरेको जनाएको छ । आईपिओमा कुल ४ लाख १४ हजार १ सय ८० जनाले २ करोड ३० लाख ६५ हजार ३ सय ९० कित्ताको लागि आवेदन परेको थियो । जसमा १६ हजार ४९७ जना आवेदकको आवेदन रद्द भएको र बाँकि रहेका ३ लाख ९७ हजार ७ सय ४१ योग्य आवेदकलाई शेयर बाँडफाँड गरिएको क्यापीटलले जनाएको छ ।
४६ हजार ५७९ लगानीकर्ताले भने गोलाप्रथाबाट थप १० कित्ता शेयर पाएका छन् । लघुवित्तको आइपीओमा आवेदन गर्ने सबै आवेदकले न्युनतम १० कित्ता शेयर पाएका छन् ।
कम्पनीले असार १० गतेदेखि १०० रुपैयाँ अंकित दरका कुल ४७ लाख ५५ हजार कित्ता आइपीओ निष्काशन गरेको थियो । जसमध्ये ० दशमलव ५ प्रतिशत अर्थात ७४ हजार कित्ता साधारण सेयर कर्मचारीहरुका लागि सुरक्षित गरिएको छ भने ५ प्रतिशत अर्थात् २ लाख ३७ हजार ८०० कित्ता साधारण सेयर सामूहिकलगानी कोषका लागि छुट्याई बाँकी रहेको ४४ लाख ४३ हजार २०० कित्ता सेयर सर्वसाधारणमा निष्काशन गरिएको थियो ।
आइपीओ रिजल्ट हेर्नका लागि यो लिंकमा क्लिक गर्नुहोस
