काठमाडौं । कराचीस्थित पाकिस्तान स्टक एक्सचेञ्जको भवनमा बन्दुकधारीहरूले आक्रमण गरेका छन् । उक्त आक्रमणमा कम्तीमा दुई जनाको मृत्यु भएको र केही अन्य घाइते भएको स्थानीय सञ्चारमाध्यमले जनाएको छ । उक्त घटनामा कति आक्रमणकारी संलग्न थिए र उनीहरू को हुन् भन्ने खुलेको छैन।
ती आक्रमणकारीहरूले मूलढोकामा ग्रिनेड विस्फोट गराएर भवनमा प्रवेश गरेको जनाइएको छ। पाकिस्तान स्टक एक्सचेन्जले एउटा वक्तव्यमा घटना टुङ्गिन बाँकी भएको जनाएका छन्। त्यसका निर्देशक अविद अलि हबिबले कार पार्किङबाट आक्रमणकारीहरू प्रवेश गरेको र उनीहरूले सबैमाथि गोली चलाएको जनाएका छन्।
