भारतको शेयर बजार नियामक सेबीले विहिवार ५ जना व्यक्तिलाई २५ लाख रुपैयाँ जरिवाना तिराउने निर्णय गरेको छ। ५ व्यक्तिलाई क्यूपिड ट्रेड्स एण्ड फाइनान्सको शेयर मूल्य कृतिम रुपमा घटाएको आरोप लागेको छ।
कसरी भयो कृतिम मूल्य घटाई ?
५ व्यक्तिले बजार बन्द हुने बेलामा क्यूपिड ट्रेड्स एण्ड फाइनान्सको निकै थोरै मात्रामा र कम मूल्यमा खरिद आदेश हाल्ने गरेका थिए । उनीहरुको काम भनेको मात्र त्यो कम्पनीको अन्तिम कारोवार अघिल्लो दिनको कारोवार भन्दा कममा कारोवार गराउने । यसरी अघिल्लो दिनको अन्तिम मूल्य भद्ना कममा कारोवार हुँदा त्यो कम्पनीको बजार मूल्य घट्ने भयो ।
धेरै दिन सम्म यसरी कृतिम रुपमा बजार मूल्य घटाउँदा क्यूपिड ट्रेड्स एण्ड फाइनान्सको शेयर प्रति धेरै लगानीकर्ताको मनोविज्ञान नकारात्मक हुन पुग्यो र झन् त्यो शेयरमा बिक्री चाप आउँन थाल्यो।
यस्तो कार्यलाई गलत कार्य भन्दै सेबीले ५ जनालाई कारवाही गरेको हो।
