काठमाडौं । सन २०१९ मा स्विस बैंकमा पैसा जम्मा गर्ने देशहरुको सूचिमा नेपाल ११८ औ स्थानमा रहेको छ । स्विजरल्याण्डको केन्द्रीय बैंकले सार्वजनिक गरेको सन २०१९ को बार्षिक प्रतिवेदन अनुसार नेपाल ११८ औ स्थानमा रहेको जनाएको छ । रिपोर्ट अनुसार पहिलो स्थानमा बेलायत रहेको छ । स्विस बैंकमा पैसा लुकाउने देशहरुको सूचि करिब २ सय रहेको छ ।
ट्रान्सपरेन्सी इन्टरनेशनका अनुसार नेपाल धेरै भ्रष्टाचार गर्ने मुलुकको सूचिमा ११३ औं स्थानमा रहेको छ । धेरै भ्रष्टाचार हुने भएपनि कालो धनको मात्र पनि उत्तिकै हुने सम्भावना हुन्छ । त्यसैले नेपालीहरुको स्विस बैंकको पहुँच पनि माथिल्लो स्थानमा नै रहेको छ।
सन २०१९ मा सबैभन्दा धेरै स्विस बैंकमा पैसा लुकाउने देशमा ब्रिटेन रहेको छ । गत वर्ष पनि पहिलो स्थानमा ब्रिटेन नै थियो । ब्रिटेन नागरिक तथा संस्थाले लुकाएको पैसा विदेशीहरुले लुकाएको कुल रकमको २७ प्रतिशत हिस्सा ओगटेको स्विजरल्याण्डको केन्द्रीय बैंकले जनाएको छ ।
स्विस बैंकका पैसा लुकाउनेमा धेरै ब्रिटिस नागरिक तथा संस्था रहेका छन भने दोस्रो नम्बरमा अमेरिकी नागरिक तथा संस्था रहेका छन । त्यसैगरी स्विस बैंकका धेरै पैसा लुकाउने तेस्रो देशमा वेस्ट इण्डिज रहेको छ । स्विस बैंकमा पैसा लुकाउने देशको सूचिमा फ्रान्स चौथो स्थानमा छ भने हङकङ पाँचौ स्थानमा रहेको छ ।
स्विस बैंकमा पैसा लुकाउने शिर्ष देशमा जर्मनी, लक्जम्बर्स, बहामास, सिंगापुर र केमैन आइलण्ड रहेका छन । स्विस बैंकमा पैसा लुकाउने शिर्ष २२ देशको हिस्सा कुल रकमको एक प्रतिशत भन्दा माथि रहेको जनाएको छ ।
