काठमाडौं । एनएलजी इन्स्योरेन्स कम्पनीले निष्काशन गरेको हकप्रद शेयर लकडाउनको कारण स्थगन भएकोमा लकडाउन सहज भएको भन्दै हकप्रद टुंग्याउने निर्णय गरेको छ । एनएलजी इन्स्योरेन्सले आफ्ना सबै शेयरधनीको नाममा सूचना जारी गरी यही असार २५ गते बैंकिङ समयभित्र हकप्रद शेयरका लागि आवेदन दिन भनेको छ ।
कोरोना भाइरसका कारण गत फागुन २२ गतेदेखि चैत्र १२ गतेसम्मको लागि खुल्ला गरिएको हकप्रद शेयर बिक्री कोरोना भाइरसको महामारीको कारण चैत्र ११ गतेदेखि स्थगित भएको थियो । कम्पनीले पुनः लकडाउन खुकुलो भएकोले यही असार २५ गतेसम्म अन्तिम म्याद तोकेर सो प्रक्रिया पुरा गर्न सूचना जारी गरेको हो ।
कम्पनीले १००ः६० अनुपातमा ३८ लाख ४२ हजार ४३७ कित्ता हकप्रद शेयर निष्कासनको प्रक्रिया सुरु गरेकोमा गत चैत्र ११ गते यता पटक पटक स्थगित हुँदै आएको थियो ।
कम्पनीद्वारा जारी सूचना अनुसार एनएलजीको हकप्रद शेयर यही असार ९ गते मंगलबारबाट पुनः बिक्री खुला हुनेछ । सो हकप्रद शेयरमा लगानीकर्ताले १०० बराबर ६० कित्ता बराबरको अनुपातमा यही असार २५ गते बिहीबारसम्म आवेदन दिन सक्ने कम्पनीले सूचनामार्फत जनाएको छ ।
कम्पनीले हकप्रद शेयर निष्काशन प्रयोजनका लागि माघ २७ गते, बुक क्लोज गरेको थियो । नेप्सेमा माघ २६ गतेसम्म कायम रहेका शेयरधनीहरूले उक्त हकप्रद शेयरमा आवेदन दिन सक्नेछन् ।
