काठमाडौं । रिडी हाइड्रोपावर डेभलपमेन्ट कम्पनी लिमिटेडले चालु आर्थिक वर्ष २०७६/७७ को तेस्रो त्रैमासम्ममा ३ करोड ९ लाख ६ हजार रुपैयाँ खुद नाफा आर्जन गरेको छ।
चुक्ता पूँजी ५३ करोड ११ लाख १८ हजार रुपैयाँ रहेको कम्पनीको समीक्षा अवधिमा जगेडा कोषको आकार २ करोड ९६ लाखबाट वृद्धि भई ६ करोड ४ लाख ६१ हजार रूपैयाँ पुग्दा पुगेको छ ।
गत आर्थिक वर्षको यसै अवधिमा कम्पनीले ७६ लाख ५१ हजार रुपैयाँ खुद नाफा आर्जन गरेको थियो । यस अवधिसम्ममा यस कम्पनीले २ करोड ३२ लाख ५४ हजार रुपैयाँ खुद नाफा वृद्धि गरेको छ । गत आर्थिक वर्षको सोही अवधिको तुलनाम कम्पनीको नाफा ३०३ प्रतिशतले बढी हो ।
तेस्रो त्रैमाससम्म आइपुग्दा कम्पनीले विद्युत बिक्री आम्दानी ३ करोड ९९ लाख ५५ हजार रुपैयाँ पुगेको छ। गत आर्थिक वर्षको यसै अवधिसम्ममा विद्युत बिक्री आम्दानीबाट १ करोड १५ लाख ९७ हजार नाफा आम्दानी गरेको कम्पनीले २४४ प्रतिशतले आम्दानी बढाएको हो। यस अवधिमा कम्पनीले सञ्चालन नाफा पनि ९८ लाख ७ हजार रुपैयाँबाट बढेर ३ करोड ३९ लाख ८१ हजार रुपैयाँ पुर्याएको छ ।
यस अवधिमा कम्पनीको वार्षिक प्रतिशेयर आम्दानी ७ रुपैयाँ ७६ पैसा छ । प्रतिशेयर नेटवर्थ १११ रुपैयाँ ३८ पैसा कायम भएको छ।
