काठमाडौं । लकडाउनकै अवधीमा एशियन लाईफ इन्स्योरेन्स कम्पनीले धादिङका एक बीमित परिवारलाई बीमा दावी भुक्तानी बापत छ लाख ७३ हजार ८०० रुपैयाँ हस्तान्तरण गरेको छ ।
एशियन लाईफ इन्स्योरेन्स कम्पनी लिमिटेडको उपशाखा कार्यालय धादिङले मंगलबार एक कार्यक्रमका बीच नीलकण्ठ नगरपालिका वडा नं २ भुलभुले निवासी प्रेम बहादुर गुरुङको गत माघ ७ गते दुर्घटनामा मृत्यु भएकोमा मृतकका परिवारलाई सो रकम हस्तान्तरण गरेको हो ।
कम्पनीले मृतककी आमा पातली गुरुङ, श्रीमती सविना गुरुङ र छोरी आकांक्षा गुरुङलाई बीमाङ्क रकम तीन लाख, दुर्घटना मृत्यु वापतको थप तीन लाख रुपैयाँ बोनस रकम ७३ हजार ८०० गरी जम्मा रकम छ लाख ७३ हजार ८०० सय रुपैयाँको चेक आज हस्तान्तरण गरेको छ ।
गुरुङले २०७१ फागनु २९ गते तीन लाख रुपैयाँ बीमाङ्कको जीवन गरेका थिए । गत माघ ७ गतेका दिन ज्वालामुखी गाउँपालिका वडा नं ४स्थित जिल्लाकै प्रसिद्ध ढोला मण्डली माईको दर्शन गरी फर्कने क्रममा नीलकण्ठ नपा ८ मुरली भञ्ज्याङ्गमा सवारी दुर्घटनामा परी मृत्यु भएको थियो ।
