काठमाडौं । महालक्ष्मी विकास बैंकले अनलाइन खाता सेवा सञ्चालनमा ल्याएको छ । कोरोना भाइरसको महामारी सामना गरिरहेका ग्राहकको सुविधालाई दृष्टिगत गर्दै बैंकले यो नवीनतम सेवा शुरू गरेको बैंकले जनाइएको छ ।
यस बैंकमा खाता खोल्न चाहने स्वदेश तथा विदेशमा रहेका सबै ग्राहकले कार्यालयमा उपस्थित नभई घरमै बसेर खाता खोल्न सक्नेछन् । बैंकको वेवसाइटमार्फत आवेदन दिन तथा खाता खोल्नका लागि आवश्यक कागजात सजिलै पेस गर्न सकिने छ ।
ग्राहकले आफूलाई पायक पर्ने बैंकको शाखा कार्यालय छनोट गरेर तोकिएको प्रक्रिया पूरा गरी खाता खोल्न सक्नेछन् । खाता खोलिसकेपछि ग्राहकको खाता नं र आवश्यक जानकारी इमेल ठेगानमा पठाउने बैंकले जनाएको छ ।
