काठमाडौं । बागमति प्रदेश अन्तर्गतको सञ्चार रजिष्टार कार्यालयले सो प्रदेशका एक हजार पत्रकारको कोरोना बीमा गर्ने घोषणा गरेको छ । बागमति प्रदेशका सञ्चार रजिष्ट्रार रेवती सापकोटाले प्रदेशभित्रका सबै जिल्लामा कार्यरत एक हजार पत्रकारको एक लाख रुपैयाँको कोरोना बीमा गर्ने निर्णय गरिएको बताए ।
पहिलो चरणमा फ्रन्टलाईनमा खटिएका पत्रकारहरुको कोरोना बीमा गरिनेछ । त्यसको लागि कम्पनी छनौट गर्न छलफल सुरु गरिएको सञ्चार रजिष्ट्रार सापकोटाले बताए । पत्रकारहरुलाई कार्यस्थलमा खटिदा कोरोना संक्रमणको जोखिम रहेकाले राहत स्वरुप बीमा गर्ने निर्णय गरिएको हो ।
