काठमाडौं । सरकारले आर्थिक वर्ष २०७७।०७८ मा घुम्ती बीमा अभियान चलाइने घोषणा गरेको छ । आज संघीय संसदमा बजेट भाषणमार्फत सरकारले घुम्तीमा बीमामार्फत कृषि र लघु बीमामा जनताको पहुँच विस्तार गरिने घोषणा गरेको हो ।
यसैवर्षदेखि बाली बीमाको बीमा शुल्क बाली पाकेपछि आम्दानी गरेर भुक्तानी गर्ने व्यवस्था गरेर किसानलाई बाली बीमा थप सहज बनाउने घोषण गरिसकेकोछ ।
बीमा समितिले गत वर्षदेखि नै घुम्ती बीमा सञ्चालन गर्दै आएको छ । यस वर्ष तराईको जनकपुरमा घुम्ती बीमा सेवा सुरु गरिसकेको छ भने बीमा कम्पनीहरुले पनि घुम्ती बीमा सेवाहरु सञ्चालन गर्दै आएका छन् ।
