काठमाडौं । कोरोना महामारी नियन्त्रणको लागि फ्रन्ट लाईनमा खटिँदै आएका स्वास्थ्य मन्त्री भानुभक्त ढकाल कोरोना संक्रमितको कन्ट्याक ट्रेसिङमा तानिएका छन् । त्यस लगत्तै उनी होम क्वारेन्टाईनमा परेका छन् । उनी गत शुक्रबारदेखि नै क्वारेन्टाईनमा परेका हुन् ।
मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा मुटुको समस्याले भर्ना भएकी मकवानपुरस्थित नेकपाका नेताको परिवारका सदस्य भर्ना भएकी थिईन् । सुरुमा कोरोना पुष्टि भएको थिएन । मन्त्री ढकाल तिनै महिलालाई अस्पतालमै भेट्न पुगेका थिए । शुक्रबार ति महिलाको परिक्षण नतिजामा कोरोना पोजेटिभ देखिएपछि मन्त्री पनि कन्ट्याक ट्रेसिङमा तानिएका हुन् । उनलाई घरैमा क्वारेन्टाईनमा बस्न भनिएको छ ।
मंगलबार विहान मन्त्री ढकालको समेत स्वाव लिइएको छ । रिपोर्ट आएपछि मात्रै उनको कोरोना लागे नलागेको पुष्टि हुनेछ ।
