काठमाडौं । रौतहटमा एकैदिनमा २२ जना कोरोना संक्रमित भेटिएको छ । नयाँ पुष्टि भएका संक्रमितहरु रौतहट गौर, देवानी गोनाही र राजेदेवी नगरपालिकाका हुन् ।
रौतहट जिल्लाको प्रमुख जिल्ला आधिकारी वासुदेव घिमिरेका अनुसार ३ जना बालबालिका सहित २२ जनामा कोरोना संक्रमण भएको पुष्टि भएको हो । सदरमुकाम गौरमा पहिलो पटक सातजना संक्रमण देखिएको हो । भारतबाट आएका उनीहरुलाई क्वारेन्टाइनमा राखिएको थियो । योसँगै रौतहटमा संक्रमितको सङख्या ६९ पुगेको छ।
