काठमाडौं । लक्ष्मी इक्विटी फण्डको चैत मसान्तको तुलनामा बैशाख मसान्तमा २५ पैसाले प्रतिइकाई खुद सम्पत्ति मूल्य घटेको छ। कम्पनीले सार्वजनिक गरेको मासिक वित्तीय विवरण अनुसार ९ रुपैयाँ ४७ पैसाबाट ९ रुपैयाँ २२ पैसामा झरेको हो।
एक अर्ब २५ करोड आकारमा सञ्चालित यस फण्डको चैत मसान्तमा खुद सम्पत्ति १ अर्ब १५ करोड २५ लाखमा झरेको छ। चैत मसान्तमा यस्तो सम्पत्ति १ अर्ब १८ करोड ६६ लाख रुपैयाँ रहेकोमा समिक्षा अवधिमा ३ करोड ४१ लाखले घटेको हो।
बैशाख महिनामा फण्डको ६८ वटा सूचीकृत कम्पनीको शेयरमा ६८ करोड ९६ लाख ३ हजार रुपैयाँ बराबरको लगानी रहेको छ। चैतमा ७२ करोड ५ लाख ४७ हजार रुपैयाँ रहेको थियो ।
बैशाख मसान्तमा लक्ष्मी इक्विटी फण्ड १८ करोड ४७ लाख ९ हजार नोक्सानीमा रहेको छ। चैतमा भने १५ करोड ३१ लाख १८ हजार रहेकोमा ३ करोड १५ लाख ९१ हजारले नोक्सानी बढेको हो।
