काठमाडौं । सानिमा जनरल इन्स्योरेन्स कम्पनीको सिईओमा सुद्युम्न प्रसाद उपाध्याय नियुक्त भएका छन् । बीमा समितिले गत शुक्रबार सिईओ नियुक्तीका लागि अनुमति दिएपछि आज बसेको सानिमा जनरल इन्स्योरेन्स कम्पनीको सञ्चालक समितिको बैठकले आगामी चार वर्षको लागि उपाध्यायलाई सिईओमा नियुक्त गरेको हो ।
प्रिमियर इन्स्योरेन्समा आठ वर्षे (दुई) कार्यकाल सकाएर छ महिना अघि विदा लिएका उपाध्यायले कुलिङ पिरियडपछि सानिमा जनरल इन्स्योरेन्समा आबद्ध भएका हुन् । बीमा क्षेत्रमा २३ वर्ष भन्दा बढि अनुभवी उपाध्यायले सानिमा जनरल इन्स्योरेन्सको सिईओमा नियुक्त भएपछि संक्षिप्त प्रक्रिया दिँदै भने, ‘पहिला भन्दा नयाँ शेलीमा बीमा कम्पनी चलाउनुपर्छ । अहिलेको विषम परिस्थितिमा डिजिटलाईजेशनमा फोकस भएर अघि बढ्ने लक्ष्य छ ।’
