काठमाडौं । एशियन लाइफ इन्स्योरेन्स कम्पनीले विरगंज महानगरपालिकाले खडा गरेको कोरोना कोषमा आर्थिक सहयोग गरेको छ । भाइरस संक्रमणको जोखिमलाई मध्यनजर गर्दै आवश्यक पूर्व तयारी तथा उपचार सम्बन्धी पूर्वाधार निर्माण गर्न वीरगंज महानगरपालिकाले शुरु गरेको अभियानमा कम्पनीले एक लाख ५२ हजार रुपैयाँ आर्थिक सहयोग गरेको हो ।
उक्त चेक कम्पनीका प्रदेश २ का शाखा प्रमुख रामरुप सहनीले विरगंज महानगरपालिका प्रमुख विजय कुमार सरावगीलाई हस्तान्तरण गरेको हो । कम्पनीले सामाजिक उत्तरदायित्व अन्तर्गत महानगरपालिकाले स्थापना गरेको कोरोना कोषमा आर्थिक सहयोग गरेको हो ।
कम्पनीले यस अघि पनि नेपाल सरकारले खडा गरेको कोषमा र प्रदेश सरकारलाई आर्थिक सहयोग गरिसकेको छ ।
