काठमाडौं । स्वास्थ्य तथा जनसंख्या मन्त्रालयले नियमित पत्रकार सम्मेलनमार्फत कोरोना भाइरसको संक्रमण हालसम्म देशको ४० जिल्लामा फैलिएको जनाउँदै कूल संक्रमितको संख्या ५८४ पुगेको जनाइएको छ ।
स्वास्थ्य मन्त्रालयका प्रबक्ता विकास देवकोटोले दिएको जानकारी अनुसार आज अपरान्ह मात्रै ३६ जना नयाँ कोरोना संक्रमित भेटिएको छ । सेती अस्पतालमा गरिएको परिक्षणमा कैलाली, कोशी अञ्चल अस्पतालमा गरिएको परिक्षणमा झापा र राप्ती स्वास्थ्य विज्ञान प्रयोगशालामा गरिएको परिक्षणमा बाँके नरैनापुरका २७ जना रहेका छन्मा कोरोना भाइरस पुष्टि भएको छ । त्यस्तै, बर्दियामा एक जना र सुर्खेतमा तीन जना संक्रमित सहित कूल ३६ जना संक्रमित थपिएको हो । यससँगै कूल संक्रमितको संख्या ५८४ पुगेको छ ।
शनिबार विहान ३२ जनामा कोरोना संक्रमित भेटिएको थियो । शनिवार एकै दिन ६८ जनामा कोरोनाको संक्रमण पुष्टि भइसकेको छ । विगत एक सातादेखि कोरोना संक्रमितको संख्या बृद्धि हुने क्रममा छ ।
