काठमाडौं । नेपालमा थप २५ जनामा कोरोना संक्रमित भेटिएको छ । स्वास्थ्य तथा जनसङख्या मन्त्रालयले वुधवार २५ जना कोरोना संक्रमित थपिएको पुष्टि गरेको हो ।
मन्त्रालयका अनुसार आज संक्रमित पुष्टि भएका मध्ये १८ जना पुरुष र ७जना महिला भएको जनाएको छ । वुधवार थपिएका २५ जना संक्रमितहरु बाँके धनकुटा, कपिलवस्तु, नवलपरासीको रहेको मन्त्रालयले जनाएको छ ।
योसँगै नेपालमा कोरोना संक्रमितको सङख्या ४ सय २७ पुगेको छ भने ४५ जना निको भएर घर फर्किसकेका छन् ।
