काठमाडौं । आज एकै पटक थप ५३ जनामा कोरोना भाइरसको संक्रमण देखिएको छ । बाँके जिल्लाका विभिन्न स्थानमा थप ४७ जना कोरोना भाइरस भेटिएको स्वास्थ्य तथा जनसंख्या मन्त्रालयले जनाएको छ । भेरी अस्पतालमा परिक्षण गर्दा ४६ जना पुरुष र १ जना महिला गरी कूल ४७ जनामा कोरोना भाइरसको संक्रमण भेटिएको स्वास्थ्य तथा जनसंख्या मन्त्रालयले नियमित पत्रकार सम्मेलनमा जानकारी दिएको छ ।
मन्त्रालयका अनुसार यसअघि कोरोना भेटिएकाहरुको कन्ट्याक ट्रेसिङको क्रममा यति ठूलो मात्रामा कोरोना संक्रमितहरु भेटिएको हो । एकै ठाउँमा यति ठूलो मात्रामा कोरोना संक्रमित भेटिएको यो पहिलो पटक हो ।
त्यसैगरी, मोरङमा एक जना पुरुष, गुल्मीमा ४१ बर्षिय पुरुष, काभ्रेको धुलिखेल अस्पतालमा चार जना पुरुषमा सहित थप ६ जनामा कोरोना भाइरस सक्रमण भेटिएको जनाएको छ । आज थप भएको संख्या सँगै कूल संक्रमितको संख्या ३५७ पुगेको छ ।
