काठमाडौं । आर्थिक समृद्धी लघुवित्तलाई प्राप्ति गरी गत असार ३० गतेबाट एकीकृत कारोबार संचालन गरेको साधना लघुवित्त वित्तीय संस्थाले चालु आर्थिक वर्षको तेस्रो त्रैमासमा उत्साहजनक प्रगति हासिल गरेको छ ।
लघुवित्तले चालु आ.वको तेस्रो त्रैमाससम्ममा १ करोड ९० लाख ९१ हजार खुद नाफा आर्जन गरेको छ । गत आर्थिक वर्षको यसै अवधिको तुलनामा लघुवित्तको नाफा ६७।२३ प्रतिशतले बढी हो। गत आर्थिक वर्षको सोही अवधिमा लघुवित्तको नाफा १ करोड १४ लाख १६ हजार रहेको थियो ।
१४ करोड ७० लाख चुक्ता पूँजी रहेको संस्थाको जगेडा कोषको आकार १ करोड १४ लाखबाट बढेर ४ करोड २ लाख पुगेको छ ।
चैत मसान्तसम्मको अवधिमा लघुवित्तले ४३ करोड १६ लाख निक्षेप संकलन तथा १ अर्ब १७ करोड २४ लाख सापटी लिएर १ अर्ब ७० करोड ५२ लाख कर्जा प्रवाह गरेको छ । जसबाट ७ करोड ५० लाख खुद ब्याज आम्दानी भएको छ।
समीक्षा अवधिमा लघुवित्तको निक्षेप संकलन २४ करोड ३ लाख, सापटी ५९ करोड ४३ लाख, कर्जा लगानी ८५ करोड ५४ लाख र खुद ब्याज आम्दानी एक करोड ७९ लाख ७१ हजार रुपैयाँले बढेको हो।
यस अवधिसम्ममा लघुवित्तको कर्मचारी खर्च २ करोड ११ लाखबाट ४ करोड ९२ लाखमा र सञ्चालन दर्च ९६ लाखबाट २ करोड २१ लाखमा बढोत्तरी भएको छ। एकीकृत कारोबार पश्चात सञ्चालन खर्च र कर्मचारी खर्चमा बढोत्तरी भएको हो।
चैत मसान्तसम्ममा लघुवित्तको वार्षिक प्रतिशेयर आम्दानी १७ रुपैयाँ ३२ पैसा रहेको छ । लघुवित्तको खराब कर्जा अनुपात ०।०२ प्रतिशतबाट बढेर १।६७ प्रतिशतमा पुगेको छ।
