काठमाडौं । महालक्ष्मी विकास बैंकले चालु आर्थिक वर्षको तेस्रो त्रैमासको वित्तीय विवरण प्रकाशन गरेको छ । बैंकले यस अवधिसम्ममा ३९ करोड ७३ लाख रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा बैंकको नाफा ३ प्रतिशतले बढी हो । गत वर्ष बैंकले ३८ करोड ७९ लाख रुपैयाँ नाफा कमाएको थियो ।
चुक्ता पुँजी ३ अर्ब ७ करोड २० लाख रुपैयाँ रहेको बैंकको रिजर्भ कोषमा १ अर्ब ६६ करोड रुपैयाँ छ । रिटेन्ड अर्निङमा ५ पनि करोड १० लाख रुपैयाँ रहेको छ ।
यस अवधिसम्ममा बैंकले ५६ करोड ३८ लाख रुपैयाँ संचालन मुनाफा आर्जन गरेको छ । गत आर्थिक वर्षको सोही अवधिमा बैंकको संचालन मुनाफा ५५ करोड १८ लाख रुपैयाँ मात्र थियो । गत आर्थिक वर्षको सोही अवधिको तुलनामा बैंकको संचालन मुनाफा २ प्रतिशतले बढी हो
यस अवधिसम्म आइपुग्दा बैंकले १ अर्ब १९ करोड ८९ लाख रुपैयाँ खुद ब्याज आम्दानी गरेको छ । बैंकको खुद ब्याज आम्दानी गत आर्थिक वर्षको सोही अवधिको तुलनामा १९ दशमलव ५७ प्रतिशतले बढी हो । गत वर्ष १ अर्ब २६ लाख रुपैयाँ खुद ब्याज आम्दानी गरेको गेको थियो ।
यस्तै, यसको वितरणयोग्य नाफा ४ करोड ९६ लाख रुपैयाँ रहेको छ । चैत मसान्तसम्म महालक्ष्मीले ३५ अर्ब ४३ करोड रुपैयाँ निक्षेप संकलन गरेर २९ अर्ब ७४ करोड रुपैयाँ कर्जा प्रवाह गरेको छ ।
बैंकको प्रतिसेयर आम्दानी १७ रुपैयाँ २५ पैसा र प्रतिसेयर नेटवर्थ १५५ रुपैयाँ ७६ पैसा रहेको छ ।
