काठमाडौं । सरकारले आगामी आर्थिक वर्षदेखि वैदेशिक रोजगारीमा जाने श्रमीकहरुलाई सामाजिक सुरक्षा कोषमा समेट्ने भएको छ । राष्ट्रपति विद्यादेवी भण्डारीले आज प्रतिनिधि तथा राष्ट्रिय सभामा आगाामी आर्थिक वर्षको नीति तथा कार्यक्रम प्रस्तुत गर्दै यस्तो बताएकी हुन् ।
राष्ट्रपति भण्डारीले सबै नेपालीको जीवन सुरक्षित गर्न, गुणस्तरीय बनाउनका लागि वैदेशिक रोजगारीमा जाने युवाहरुलाई पनि सामाजिक सुरक्षा योजनामा समेट्ने नीति सरकारले लिएको बताईन् ।
सरकारले स्वरोजगार र अनौपचारिक क्षेत्रका श्रमिकहरुलाई समेत सामाजिक सुरक्षा योजनामा समेट्ने योजना रहेको छ । साथै सामाजिक सुरक्षा कोषलाई दिगो रुपमा बढाउने नीति सरकारले अघि बढाएको घोषण गरेकी छिन् ।
