काठमाडौं । लकडाउनका बीच खुल्ला गरिएको शेयर बजार दोस्रो दिन पनि ऋणात्मक बृद्धिले सीमा पार गरेपछि शेयर कारोबार बन्द भएको छ । विहान ११ः०० बजे खुलेको शेयर कारोबार ३९ मिनेटमै औषत मूल्य घट्ने क्रम दुई प्रतिशतको सीमा नाघेपछि बुधबारका लागि कारोबार बन्द गरिएको छ ।
सूचक १२०१.५७ अंकमा झरेको छ । बुधबार शेयर कारोबार रकम भने ३६ लाख १३ हजार रुपैयाँमै समेटिएको छ । सबै उपसूचकहरु ओरालो लागेको छ ।
बैकिङ समूह साढे २५ अंकले ओर्लिएको छ भने जीवन बीमा १३० अंकले तल आएको छ । जम्मा ७४ कम्पनीको सेयर कारोबार भएको छ । कुल २११ वटा कारोबारमा १० हजार ५२६ कित्ता सेयर किनबेच भएको छ ।
