काठमाडौं । विश्वव्यापी महामारी कोरोना (कोभिड (१९) को संक्रमणका कारण लकडाउन भएको विषम परिस्थितिलाई मध्यनजर गर्दै कम्पनीका बिराटनगर शाखाद्वारा उक्त क्षेत्र एवं आसपासका क्षेत्रहरूमा राहत अभियान संचालन गरेको छ ।
सो अन्तर्गत राहत अभियानको १७ औ दिन सम्म ३९०० केजी चामल एवं १५०० भन्दा बढी व्यक्तिहरुलाई खाना वितरण गरि सकेको कम्पनीका बिराटनगर शाखाकाका शाखा प्रमुख अमित कर्णले बताए । राहत अभियान अन्तर्गत विपन्न एवं भोका व्यक्तिहरुलाई खाद्यान्न , माक्स वितरणका साथै आउन नसक्ने व्यक्तिहरुको घरमै जानुका साथै प्रहरी एवंस्वयंसेवकहरूलाई खाजा स्वरुप चाउचाउ, पानी , बिस्कुट एवं पन्जा वितरण गरेको कम्पनीले जनाएको छ।
उक्त राहत अभियानमा मिशन नेपालकी अध्यक्ष मिना शाहीद्वारा खाना बनाउने कार्यमा संयोजनका साथै पकाउन एवं भण्डारणका लागि कोठा उपलब्ध गराएकी छिन् । यस अभियानमा विभिन्न व्यक्तिहरुले सहयोग गर्दै आइरहेको साथै त्यस्ता व्यक्तिहरुको जानकारी ,सहयोग एवं सहकार्यका लागि ९८६३०२१४३५ मा सम्पर्क गर्न सकिने कुरा शाखा प्रमुख अमित कर्णले बताए ।
