काठमाडौं सरकारले जेठ ५ गतेसम्म लकडाउन लम्ब्याउने निर्णय गरेको छ । वुधवार बसेको मन्त्रिपरिषद्को बैठकले कोरोना भाइरस (कोभिड–१९)को जोखिम कायम रहेको भन्दै १० दिनसम्म लकडाउन लम्ब्याउने निर्णय गरेको हो ।
मंगलबार बसेको उच्चस्तरीय समन्वय बैठकको सुझावको आधारमा आज मन्त्रिपरिषद्को बैठकले जेठ ५ गतेसम्म लकडाउन लम्ब्याउने निर्णय गरेको हो ।यस अघि बसेको मन्त्रिपरिषद्को बैठकले बैशाख २५ गतेसम्म लकडाउन घोषण गरेको थियो । चैत ११ गतेबाट सुरु भएको लकडाउन आज ४४ दिन पुगेको छ ।
