काठमाडौं । बीमा समितिले विभिन्न कोषमा रहेको रकम मुद्दति निक्षेपमा राख्नका लागि बैंकहरुलाई प्रस्ताव पेश गर्न आह्वान गरेको छ । मुद्दति निक्षेप लिन इच्छुक वाणिज्य तथा विकास बैंकलाई बोलपत्र आह्वानमा सहभागी हुन भनेको छ । समितिले वाणिज्य बैंक र विकास बैंकसँग सूचना जारी भएको १५ दिन सम्ममा गोप्य शिलबन्दी फारम बुझाउन आह्वान गरेको छ ।
समितिले बैशाख १६ गते एक सूचना जारी गर्दै वाणिज्य तथा विकास बैंकहरुलाई यस्तो जानकारी दिएको हो । जसमा बैंकले अन्तिम पटक प्रकाशन भएको वित्तिय विवरण, मुद्धती निक्षेपमा उपलब्ध गराउन सक्ने अधिकतम ब्याजदर, विगत तीन बर्षको नाफा/नोक्सान, बैंकको निष्कृय सम्पत्ति, कर्जा निक्षेप अनुपात, स्थापना भएको बर्ष र पुँजी पर्याप्तर्ता कोषका साथै अन्य खुलाउनुपर्ने कुराहरु केही भए खुलाउनुपर्ने समितिले जनाएको छ।
समितिले कति रकम मुद्धती राख्ने भन्ने बिषय खुलाएको छैन । रकम उल्लेख गर्दा बैंकहरुबाट बोलकबोल गर्दा ब्याजदरमा पर्नसक्ने असरलाई मध्यनजर गर्दै रकम उललेख नगरिएको समितिले जनाएको छ ।
