काठमाडौं । स्वास्थ्य तथा जनसंख्या मन्त्रालयले नेपालभित्र भेटिएका १५ जना कोरोना संक्रमितको अवस्थामा सामान्य रहेको स्वास्थ्य तथा जनसंख्या मन्त्रालयले जनाएको छ । कूल संक्रमित १६ जना मध्ये एक जना निको भएर घर गइसेको र बाँकी १५ जनाको काठमाडौंसहित देशका विभिन्न अस्पतालमाहरुमा उपचार भइरहेको जनाएको छ । स्वास्थ्य तथा जनसंख्या मन्त्रालयका प्रबक्ता डा. विकास देवकोटाका अनुसार १५ जनाकै स्वास्थ्यस्थिति सामान्य रहेको छ ।
यसैबीच, कास्कीको पोखरामा र्यापिड टेष्टको क्रममा एक जनामा कोरोना पोजेटिभ देखिएको छ । ति व्यक्तिको थप परिक्षण गर्ने कार्य सूरु गरिएको मन्त्रालयले जनाएको छ ।
उता, कामाठडौंस्थित सनसिटी अपार्टमेन्टमा कोरोना संक्रमिसँगै बसेकी महिलामा कोरोना संक्रमण नेगेटिभ आएको छ । मन्त्रालयका अनुसार तीन जनाको र्यापिड टेष्ट किटबाट परिक्षण गर्दा पोजेटिभ देखिएकोमा थप परिक्षणमा एक जनामा नेगेटिभ आएको हो । त्यस्तै सनसिटी अपार्टमेन्टमा ब्लक ए मा परिक्षण गरिएको २९८ जनाको परिक्षण नेगेटिभ आएको मन्त्रालयले जनाएको छ ।
मन्त्रालयका अनुसार कोरोनाको आशंकामा ११७ जना आईशोलेशनमा रहेका छन् । सो मध्ये ११ जना काठमाडौंमा छन् भने १०६ जना काठमाडौं बाहिर रहेका छन् । मन्त्रालयले यस अवधीमा ८९२९ वटा र्यापिड टेष्ट गरिएकोसहित कूल १५ हजार परिक्षण गरिएको जनाएको छ ।
