काठमाडौं । नेपाल वायु सेवा निगममा रिक्त कार्यकारी अध्यक्ष पदमा सुशील घिमिरे नियुक्त भएका छन् । नेपाल सरकारले उनलाई आजदेखि लागू हुने गरी कार्यकारी अध्यक्ष पदमा नियुक्त गरेको हो । मंगलबार बसेको मन्त्रिपरिषदको बैठले सो सम्बन्धमा निर्णय गरेको पर्यटन मन्त्रालयले जनाएको छ ।
उनी पूर्व पर्यटन सचिव हुन् । यसअघि प्रधानमन्त्री केपी शर्मा ओलीले नियुक्त गरिएका मदन खरेल निगमबाट बाहिरिएपछि घिमिरेलाई अध्यक्ष बनाइएको हो । नेपाल एयरलाइन्सले ल्याएको दुई वटा वाईड बडी जहाज मध्ये एउटा जहाज निजि क्षेत्रलाई भाडामा दिने उद्देश्यले सेटिङमा अध्यक्ष बनेका खरेलले सो योजना पूरा नहुँदै कोरोना महामारीका कारण सिंगो हवाई क्षेत्र अप्ठेरो अवस्थामा पर्न लागेपछि केही पहिला नै राजिनामा दिएर भागेका थिए ।
