काठमाडौं । कोरोना महामारीविरुद्धमा लडिरहेको भारतले आगामी बैशाख २१ अर्थात मे ३ तारिखसम्म लकडाउन जारी राख्ने घोषणा गरेको छ । भारतीय प्रधानमन्त्री नरेन्द्र मोदीले आज राष्ट्रको नाममा सम्बोधन गर्दै बैशाख २१ सम्म लकडाउन गर्ने घोषणा गरेका हुन् ।
भारतले गत चैत्र १२ गतेदेखि आजसम्म लकडाउन घोषणा गरेको थियो । आजबाट सकिएको लकडाउन थप गर्ने निर्णय गरिएको हो । साथै मोदीले हटस्पट कन्ट्रोल भएका क्षेत्रमा आगामी २० अप्रिलदेखि केही छुट दिन सकिने जनाउँदै मानिसहरु घरभित्रै बस्न आग्रह गरेका छन् । जति चाँडो कन्ट्रोलमा आउँछ, यति चाँडो खुल्ने समेत मोदीले जनाएका छन् ।
भारतमा लकडाउन थपिएपछि नेपालमा पनि अब बैशाख २१ गतेसम्म नखुल्ने लगभग निश्चित जस्तै भएको छ । नेपालमा चैत्र ११ गतेदेखि कोरोनाविरुद्ध जारी लकडाउन भोलि सकिदैछ । भारतमा १९ दिन लकडाउन थप गरेपछि नेपालमा समेत लकडाउन थप गर्ने विश्वास गरिएको छ ।
