काठमाडौं । विश्वभर फैलिएको कोरोना महामारी नेपालमा त्यति धेरै नदेखिए पनि नेपाल बाहिर रहेका नेपालीहरु ठूलो मात्रामा संक्रमित भएको गैर आवासिय नेपाली संघले जनाएको छ । एनआरएनले गठन गरेको स्वास्थ्य समितिका संयोजक डा. सञ्जीव सापकोटाका अनुसार ६ सय ६५ जना गैरआवासीय नेपालीहरु कोरोनाबाट संक्रमित भएका छन् । १२ जनामा कोरोना संक्रमण देखिएको छ भने १ जना कोरोना मुक्तको समितिले जनाएको छ । साथै समितिले विश्वभर १२ जना नेपालीको कोरोनाबाट मृत्यु भएको समेत जनाएको छ ।
कोरोनाबाट अमेरिकामा ५ सय, युकेमा १००, स्पेनमा १८, युएईमा १०, जर्मनीमा ४, पोर्तुगलमा ८, अष्ट्रेलियामा ९, साउदी अरबमा ४, कुवेतमा ५, जापानमा १, मलेसियामा १, म्यानरमारमा १ र हङकंङमा १ जना कोरोना संक्रमित रहेको समितिले जनाएको छ ।
गैरआवासीय नेपाली संघका अध्यक्ष कुमार पन्तको अध्यक्षतामा गठित उच्चस्तरीय समितिअन्तरर्गतको स्वास्थ्य समितिले संकलन गरेको तथ्यांकअनुसार बेलायतमा ८, अमेरिकामा ५, युएईमा १ जनाको ज्यान गएको छ ।
विदेशस्थित नेपाली राजदूतावास, गैरआवासीय नेपाली संघका शाखाहरु तथा स्थानीय संघसँस्थाद्धारा प्राप्त सूचनाका आधारमा सो आँकडा तयार पारिएको एनआरएनले जनाएको छ ।
