काठमाडौं । प्रभु बैंकको दैलेख शाखाले नारायण नगरपालिकासँग सहकार्य गरेर उक्त स्थानमा वितरण हुने खाद्यान्न सामग्री सहयोग गरेको छ ।
कोरोना भाइरस रोकथाम तथा नियन्त्रणका गरिएको लकडाउनका कारण प्रभावित विपन्न परिवारका लागि प्रभु बैंकले खाद्यान्न प्रदान गरेको हो ।
बैंकका शाखा प्रबन्धक उमेश प्याकुरेलले बिहीवार प्रदेश सांसद अम्मरबहादुर थापाको उपस्थितिमा नगरपालिका नगर प्रमुख रत्नबहादुर खड्का, उपप्रमुख सावित्री मल्ल र प्रमुख प्रशासकीय अधिकृत छविलाल नेपालीलाई संयुक्त रूपमा खाद्यान्न सामग्री हस्तान्तरण गरेका हुन् ।
