काठमाडौं । विश्वभर महामारीको रुपमा फैलिइरहेको नोबेल कोरोनाबाट विश्वभर मृत्यु हुनेको संख्या ६४ हजार सात सय २७ पुगेको छ । वल्र्डमेटर्स डट इन्फोका अनुसार आइतबार विहान यो समाचार तयार गर्दासम्म विश्वमा जम्मा १२ लाख १ हजार ९ सय ६४ जना यो रोगबाट संक्रमित भइसकेका छन् भने २ लाख हजार ६ सय ३८ जना यो रोकबाट छुटकरा पाइसकेको अवस्था छ ।
कोरोनाको संक्रमण दैनिक एक लाखको दरले थपिन थालेका छन् । चीनको वुहानबाट एक जनाबाट सुरु भएको कोरोना विश्वव्यापी नियन्त्रण प्रयासका वावजुद तीन महिनापछि दैनिक एक लाखको दरले संक्रमण फैलिन थालेको हो ।
विश्वका विभिन्न देशमध्ये सबैभन्दा धेरै इटालीमा १५ हजार ३ सय ६२ जनाको मृत्यु भइसकेको छ । यो रोगबाट सबैभन्दा धेरै अमेरिका ग्रसित भएको छ । उक्त रोगबाट अमेरिकामा ३ लाख ११ हजार जना मानिस संक्रमित भइसकेका छन् भने अमेरिकामा यस रोगबाट मृत्यु हुनेको संख्या ८ हजार ४ सय ५२ पुगेको छ ।
चिनमा यसै रोगबाट मृत्यु हुनेको संख्या ३ हजार ३ सय २९ पुगेको छ भने ८१ हजार सट ६९ जना यस रोगबाट संक्रमित भएका छन् ।
उता, छिमेकी राष्ट्र भारतमा हालसम्म ९९ जनाको मृत्यु भइसकेको अवस्था छ भने उक्त रोगबाट ३ हजार ५ सय ८८ जना संक्रमित भएका छन् ।
स्पेनमा कोरोना रोबाट ११ हजार ९ सय ४७ जनाको मृत्यु भइसकेको छ । यही रोगबाट स्पेनमा १ लाख २६ हजार जना संक्रमित भइसकेको अवस्था छ ।
नेपालमा भने हालसम्म ९ जना यस रोगबाट संक्रमित भएका छन् । एक जना भने निको भएर घर फर्किसकेको अवस्था छ ।
