काठमाडौं । विश्वभर फैलिएको कोरोना महामारी रोकथाम तथा नियन्त्रण अभियानमा रहेको नेपाल सरकारले देशैभरिका स्वास्थ्य संस्थाहरुमा ९९ जना कोरोना आशंकामा आईशोलेनमा रहेको जनाएको छ । स्वास्थ्य मन्त्रालयका प्रबक्ता डा. विकास देवकोटाले संक्रमितसँगको सम्पर्क तथा ज्वरो लगायतका लक्षणका आधारमा कोरोना शंकास्पद देखिएका ९९ जना देशका विभिन्न भागमा आईशोलेशनमा राखेर परिक्षण कार्य भइरहेको बताए ।
डा. देवकोटाका अनुसार हालसम्म एक हजार ३३३ जनाको कोरोना परिक्षण गरिएको छ । त्यस्तै अर्को महत्वपूर्ण कोरोना संक्रमितको सम्पर्कमा आएकाहरुको खोजी गर्ने काम ८४ प्रतिशत सम्पन्न भएको बताए । महामारी नियन्त्रणको लागि कन्ट्याक ट्रेसिङ महत्वपूर्ण हुने हुँदा स्वास्थ्य तथा जनसंख्या मन्त्रालय उच्च प्राथकिताका साथ संक्रमितका नजिक रहेकाहरु सबैलाई एक जना पनि नछुटाई परिक्षण गरिएको जानकारी गराए । प्रबक्ता डा. देवकोटाले २४ घण्टामा छ हजार वटा कल आएको जानकारी दिए । सो मध्ये दुई हजार तीन सयभन्दा बढि प्रश्नको उत्तर दिइएको बताए ।
नयाँ ल्याब स्थापना गर्ने सम्बन्धमा धरान, पोखरामा परिक्षण सुरु भइसकेको र बागमति प्रदेशको हेटौडामा आजै परिक्षण गरिने बताए । धनगढी, सुर्खेतमा कोरोना टेष्ट गर्ने ल्याब स्थापना गर्ने काम द्रूत गतिमा भइरहेको जानकारी दिए । एप्सबाट कोरोना रिपोर्टिङ गर्ने क्रममा एक हजार भन्दा बढि मानिसले ज्वरो आएको भन्दै आवेदन दिएको र १२ जना मात्रैमा शंकास्पद देखिएको बताए ।
