काठमाडौं । सनराइज बैंकले ललितपुरस्थित पाटन अस्पताललाई व्यक्तिगत सुरक्षा उपकरण प्रदान गरेको छ । बैंकका प्रमुख कार्यकारी अधिकृत जनक शर्मा पौड्यालले २० थान पीपीई अस्पतालका डा.विष्णु प्रसाद शर्मालाई हस्तान्तरण गरेका हुन् ।
मुलुकमा आइपरेको कठिन परिस्थितिमा समेत चिकित्सक र नर्सले निभाएको भूमिका सराहनीय रहेको बताउँदै पौड्यालले सामाजिक उत्तरदायित्व वहन गर्दै अस्पतालमा खटिने स्वास्थ्यकर्मीका लागि बैंकले उक्त सामग्री उपलब्ध गराएको बताए ।
