काठमाडौं । कोरोनाको महामारीमा पौने दिन करोड नेपाली जनतालाई सेल्फ क्वारेन्टाईनमा राखेको सरकारले सूचना प्रविधिमा जनतालाई थप पहुँच दिन शतप्रतशत थप सुविधा उपलब्ध गराउन नेपाल टेलिकम, एनसेललगायतका दुरसञ्चार सेवा प्रदायकलाई निर्देशन दिएको छ ।
नेपाल दूरसञ्चार प्राधिकरणले दूरसञ्चार सेवा प्रदायक कम्पनीहरुलाई ग्राहकले रिचार्ज गर्दा शतप्रतिशत बोनस दिन तथा ब्यालेन्स नभएको अवस्थामा पनि कम्तीमा २ सय रुपैयाँको टेलिफोन गर्न पाउने गरी सापटीको व्यवस्था गर्न निर्देशन दिएको हो ।
महामारीविरुद्ध सिंगो देश लक डाउन गरेको पहिलो दिन बसेको नेपाल दुरसञ्चार प्राधिकरणको सञ्चालक समितिको बैठकले दुई वटा निर्णय गरेको प्रबक्ता मिन प्रसाद अर्यालले जानकारी दिए । उनका अनुसार मोबाईल फोन रिचार्ज वा टपअप गर्दा शतप्रतिशत ब्यालेन्समा बोनस दिन सबै दुरसञ्चार सेवा प्रदायकलाई निर्देशन दिइएको छ । त्यस्तै, यसअघि शुल्क लिएर उपलब्ध गराउँदै आएका सापटी सुविधा अब बिना शुल्क २०० रुपैयाँसम्म तत्कालैदेखि व्यवस्था गर्न नेपाल टेलिकम तथा एनसेललगायतका कम्पनीहरुलाई निर्देशन दिने निर्णय गरेको छ ।
प्राधिकरणका अनुसार भोेलिबाट नै यस्तो सुविधा उपभोक्ताले पाउने छन् । सोही बमोजिम निर्देशन दिइसकिएको प्राधिकरणले जनाएको छ ।
