काठमाडौं । नेपाल राष्ट्र बैंकले कोरोना संक्रमणलाई न्युनिकरण गर्नका लागि डिजिटल भुक्तानीलाई सहज गराएको छ । नेपाल राष्ट्र बैंकले डिजिटल भुक्तानीको सीमा बढाउनुका साथै परिपत्र मार्फत मोबाइल वालेटको माध्यमबाट गरिने बैंकिङ कारोबारको सीमा बढाएको हो ।
अब बैंकका ग्राहकहरुले मोवाइल बैंकिङबाट दैनिक १ लाख र प्रतिमहिना १० लाख रुपैयाँ कारोबार गर्न मिल्ने बनाइएको छ । यसअघि दैनिक २५ हजार र प्रतिमहिना २ लाखको सिमा तोकिएको थियो ।
त्यस्तै, राष्ट्र बैंकले मोवाइल वालेट अन्तर्गत एक वालेटबाट अर्को वालेटमा रकम ट्रान्सफरको सीमा पनि बढाएको छ । अब प्रतिदिन ५० हजार र प्रतिमहिना ५ लाख सम्म कारोबार गर्न सकिने बनाइएको छ । यसअघिको प्रतिदिन २५ हजार र प्रतिमहिना ५० हजारको मात्र कारोबार गर्न मिल्ने थियो ।
