काठमाडौं । सुनको भाउ चैत १० गते सोमबार तोलामा ५०० रुपैयाँले बढेर प्रतितोला ७७ हजार रुपैयाँ पुगेको छ । पछिल्लो समय केही घटेको सुनको भाउ गत तिन दिनदेखि भने लगातार बढीरहेको छ।
आज छापावाला सुनको भाउ प्रतितोला ७७ हजार र तेजाबी सुन प्रतितोला ७६ हजार ७०० रुपैयाँ कायम गरेको छ। अघिल्लो दिन छापावाला सुन प्रतितोला ७६ हजार ५०० र तेजाबी सुन प्रतिताला ७६ हजार २०० रुपैयाँमा कारोबार भएको थियो।
आज चाँदीको चाउ भने स्थिर रहेको छ। चाँदी अघिल्लो दिनकै मूल्य अर्थात ७२० रुपैयाँमा कारोबार भइरहेको महासँले जनाएको छ।
