काठमाडौं । विश्वकै शक्ति सम्पन्न देश अमेरिकामा कोरोना महामारीको रुपमा फैलने क्रम तीव्र भएको छ । हिजो एकै दिन करिब १० अर्थात ९ हजार ३३९ जनालाई कोरोना रोग लागेको पुष्टि भएको छ ।
एकै दिन ११७ जनाको मृत्यु हुँदा कूल मृतकको संख्या ४१९ पुगेको छ । अमेरिका फैलने क्रममा पहिलो नम्वरमा पुगेको छ भने कूल संक्रमित संख्याको आधारमा तेस्रो नम्वरमा छ ।
त्यस्तै इटालीमा एकै दिनमा ६५१ जनाको मृत्यु भएको छ भने साढे पाँच हजार भन्दा बढि संक्रमित भएका छन् । तथ्याङ्क अनुसार हालसम्म विश्वभर मृत्यु हुनेको संख्या १५ हजार नजिक पुगेको छ भने कूल संक्रमितको संख्या तीन लाख ३५ हजार नाघेको छ ।
कोरोनाको कारण विश्व अर्थतन्त्र चौपट हुदै गएको छ भने बैंक तथा बीमा कम्पनीहरुको आम्दानी समेत प्रभावित हुन थालिसकेको छ ।
