काठमाडौं । स्वदेशमा रोजगारी नहुँदा पसिना बगाउन खाडी मुलुकको बहराईन पुगेका तीन जना नेपालीलाई कोरोनाबाट संक्रमित भएका छन् । बहराइनका लागि नेपाली राजदूत पदम सुन्दासले त्यहाँ तीन जना नेपालीमा कोरोना लागेको पुष्टि गरेका छन् ।
कोरोना संक्रमणको आशंकामा थप तीन नेपाललाई समेत क्वारेन्टाईनमा राखिएको उनले बताए । तीन जना नेपालीको परिचय खोलिएको छैन । उनीहरुको रगत परिक्षणमा कोरोना पुष्टि भएको हो ।
आइतबारसम्म विश्वभरमा तीन लाखभन्दा बढि मानिसहरु कोरोनाबाट संक्रमित भएका छन् भने मृत्यु हुनेको संख्या १३ हजार भन्दा बढि छ । नेपालमा हालसम्म कोरोना रोग देखिएको छैन ।
