काठमाडौं । यूनियन लाइफ इन्स्योरेन्स कम्पनीको नारायणगढ शाखा कार्यालयले बीमित नविन बानियाँको परिवारलाई ३१ लाख ३५ हजार रुपैयाँ बीमा दाबी भुक्तानी गरेको छ । १५ लाख रुपैयाँको जीवन बीमा गरेका उनले सवारी दुर्घटनामा मृत्युवरण गरेपछि कम्पनीले घरमै पुगेर मृत्यु बीमा दावी बापतको रकम भुक्तानी गरेको हो ।
कम्पनीको नारायणगढ शाखा कार्यालय अन्तर्गत जीवन बीमा गरेका नबिन बानियाँको नारायणगढ मुग्लिङ सडक खण्डमा मोटरसाइकल दुर्घटनामा परी मृत्यु भएपछि कम्पनीले बीमा दावी बापतको रकम निजका आश्रित परिवारलाई हस्तान्तरण गरेको होे ।
कम्पनीका प्रादेशिक कार्यालयका उपप्रमुख ईन्द्रराज सुवेदीले शनिबार मृत्युदावी वापतको चेक रकम मृतकी पत्नी सरस्वती खत्रीलाई उनकै घरमा पुगेर हस्तान्तरण गरेका छन् ।
सो मृत्युदाबी भुक्तानी वापतको रकम हस्तान्तरण गर्दै प्रादेशिक कार्यालय उप-प्रमुख सुवेदीले प्राथमिताका साथ छिटो–छरितो रुपमा दावी भुक्तानी उपलब्ध गराउने कम्पनीको नीति रहेको र सोही नीति अनुरुप पीडित बीमितको घरैमा पुगेर दावी भुक्तानी गर्ने गरेको बताए ।
