काठमाडौं । तीन कम्पनीहरुको लाभांश सुरक्षित गर्ने आज अन्तिम दिन हो । नेप्से सूचीकृत सेञ्चुरी कमर्सियल बैंक, वोमी माइक्रोफाइनान्स वित्तिय संस्था र अपि पावर रहेका छन् ।
सेञ्चुरी कमर्सियल बैंक र वोमी माइक्रोफाइनान्स वित्तिय संस्थाले फागुन ३० गते बुक्कोलज गदैछन् भने अपि पावरले चैत्र १ गते बुक् कोलज गर्ने भएको छ ।
सेञ्चुरीले २ प्रतिशत बोनस र सोमा लाग्ने कर सहित ४ दशमलव ७५ प्रतिशत गरी कुल ६ दशमलव ७५ प्रतिशत बितरण गर्न साधारण सभा आह्वान गरेको छ ।कम्पनीको साधारण सभा चैत्र १४ गते हुने भएको छ ।
वोमी माइक्रोफाइनान्सले २५ प्रतिशत बोनस र १.३१ प्रतिशत नगद लाभांश वितरण गर्नै प्रस्ताव गर्नै साधारण सभा आह्वान गरेको हो ।कम्पनीको आठौँ वार्षिक साधारण सभा चेत्र १६ गते धुलिखेलस्थित जुगल होटलको सभाहलमा हुने भएको छ ।
त्यस्तै,अपि पावरले ५ प्रतिशत बोनस शेयरका साथै हकप्रद शेयर निष्काशन गर्ने प्रस्ताव पारित साधारण सभा आह्वान गरेको हो। कम्पनीको १६ औँ वार्षिक साधारण सभा चैत ७ गते कार्की ब्यांक्वेटमा हुने भएको छ ।
