काठमाडौं । सोमबार विश्वभर कालो दिन मनाएको पुँजि बजारले मंगलबार नेपालमा पनि सर्किट लागेको छ । अमेरिकाको न्यूयोर्क एक्सचेन्जमा बजार खुलेको १५ मिनेटमै सर्किट लागेकोमा नेपालमा भने बजार खुलेको एक घण्टाभित्रैमा ४ प्रतिशतले मूल्य घटेपछि सर्किट लागेको हो ।
नेप्सेले सूचनामार्फत २० मिनेट बजार बन्द हुने जनाएको छ । विश्वभर फैलिएको कोरोना भाइरसको नेपाली पुँजि बजारमा खासै असर नपर्ने भएपनि बजार घट्नुलाई खेलाडीको चलखेल हुनसक्ने लगानीकर्ताहरुका बीचमा चर्चा चलेको छ ।
