काठमाडौं । विश्वभर कोरोनाले बितण्डा मच्चाउन थालेपछि सरकारले बैदेशिक रोजगारीमा विदेश जान रोक्ने भएका छ । पाइपलाइनमा रहेको र भिषा प्रक्रिया अघि बढिसकेको भिषा बाहेक नयाँ श्रम स्वीकृति तत्कालै देखि लागू हुने गरी स्थगित गरिएको श्रम तथा रोजगार मन्त्रलायले जनाएको छ ।
चीनबाट फैलिएको कोरोना भाइरस (कोभिड–१९) का कारण नेपालीहरुलाई जोखिमा पर्नबाट जोगाउन नेपाली युवाहरुलाई बैदिशक रोजगारीमा जानबाट रोक्न यस्तो कदम चालिएको सरकारले जनाएको छ ।
श्रम, रोजगार तथा सामाजिक सुरक्षामन्त्री रामेश्वर राय यादवले कोरोनाबाट प्रभावित देशहरुमा जान लागेका कामदारलाई भिषा आएर टिकट काटेको भएपनि विमानस्थलबाट जान नदिइने बताए ।
विश्व स्वास्थ्य संगठनले नेपाललाई समेत उच्च जोखिममा राखेर कोरोना विपत्तिका विरुद्धमा तयारी गर्न भनेको छ । केही दिनअघि विदेश जान लागेको ३० जना नेपालीहरुलाई दुबई पुगेको अवस्थामा विमानस्थलबाटै फर्काएपछि सरकारले विदेश जान रोक लगाउन लागेको हो ।
