बागलुङ । जन्मदिन, बिवाहमा बीमा पोलिसी दिने प्रचलन बढेको छ । जन्मदिन, विवाह जस्ता शुभ दिनहरुमा परम्परागत प्रणालीअनुसार सुन, चाँदी, हार जस्ता बहुमुल्य चिज उपहार दिने प्रचलनलाई तोड्दै पछिल्लो समय उपहार स्वरुप बीमा पोलिसी दिने प्रचलन चलेको छ ।
यसैबीच, बाग्लुङका रितिक चोखालले १६ औं जन्मदिनको अवसरमा एलआईसी नेपालबाट खरिद गरिएको २० लाखको जीबन बीमा पोलिसी उपहार पाएका छन् । बागलुङ जिल्लाको प्रख्यात तिर्थस्थल बागलुङ कालिका भगवती मन्दिर नजिकैका स्थानीय होटल व्यवसायी किसान चोखालले जेठा छोरा रितिक चोखाललाई १६ औ जन्मदिनको अवसरमा एलआईसी नेपालको सावधिक योजनाको २० लाखको बीमा पोलिसी उपहार दिएका हुन् ।
कार्यक्रममा कान्छा छोरा रिजन चोखाललाई बाल सावधिक योजनाको २० लाखको बीमा पोलिसी समेत किसानले खरिद गरेका छन् । बीमित रितिक चोखाललाई एलआईसी नेपाल बागलुङ शाखाका प्रबन्धक शम्भु सिलवाल र बरिष्ठ ऐजेन्सी म्यानेजर राममाया घिमिरेले बीमा पोलिसी हस्तान्तरण गरेको कम्पनीले जनाएको छ ।
