काठमाडौं । प्रदेश २ सरकारले सो प्रदेशभित्र सञ्चालन गरेको छोरी शिक्षा बीमा कार्यक्रममा सहभागी भएको घर परिवारमा इन्टरनेट सुविधा निःशुल्क दिन सुरु गरिएको छ । छोरी शिक्षा बीमा कार्यक्रम अन्तर्गत २०७५ साल माघ १ गतेभन्दा पछि जन्मेका छोरीहरुको निशुल्क बीमा कार्यक्रम सञ्चलान भइरहेको छ । सो कार्यक्रममा सहभागी हुने प्रत्येक घरधुरीले तीन महिनासम्म सुविसु केवलको इन्टरनेट निुशल्क पाउने व्यवस्था गरिएको प्रदेश नं २ सरकारले जनाएको छ ।
सो कार्यको औपचारिक सुरुवात सिरहाबाट गरिएको प्रदेश २ सरकराले जनाएको छ । ‘मुख्यमन्त्री बेटी पढाऊ बेटी बचाऊ’ अभियानअन्तर्गत छोरी बीमा गर्ने आठवटै जिल्लाहरु बारा, पर्सा, रौतहट, सर्लाही, सिराहा, महोत्तरी धनुषा र सप्तरीमा सुविसुको इन्टरनेट सेवा पुर्याइनेछ ।
सुविसुले सो क्षेत्रमा इन्टरनेट जडान गरी सेवा प्रदान गर्न थालेको जनाएको छ । प्रदेश नं २ मन्त्रिपरिषद्को कार्यालय र सुविसुबीच निशुल्क इन्टरनेट सेवा प्रवाह गर्ने सम्बन्धमा भएको सम्झौता बमाजिम निःशुल्क इन्टरनेट सेवा प्रदान गर्न थालिएको कम्पनीले जनाएको छ ।
